مـ'ـنـ'ـتـ'ـــ'ـــ'ـــ'ـديـ'ـآت عـ'ـهــ'ـــ'ـــ'ـد آلحـ'ـب

مـنـتـديـآت عـهـد آلحـب تـرـرٍحـب بـكـل آلزٍوـوآرـرٍ آلمـوـوجـوـوديـن وـوآلآعـضـآء
 
الرئيسيةالبوابةمكتبة الصورالتسجيلدخول
المواضيع الأخيرة
» خاص
الأحد أغسطس 28, 2011 10:26 am من طرف ادهم الريماوي

» شخصيتك بلون عينيك
الأربعاء مارس 02, 2011 11:04 am من طرف ادهم الريماوي

» لعبه من سيربح المليون
السبت فبراير 05, 2011 3:36 pm من طرف ادهم الريماوي

» &برج السرطان&
الجمعة ديسمبر 10, 2010 5:53 am من طرف البتول

» سواليف بنات المدرسه في الطابور الصباحي‏
الجمعة ديسمبر 10, 2010 5:49 am من طرف البتول

» اتحداك ما تضحك
الجمعة ديسمبر 10, 2010 5:42 am من طرف البتول

» طفله ترفع الضغط لا تفوتكم
الجمعة ديسمبر 10, 2010 5:36 am من طرف البتول

» جميع كلمات الاغاني ادخل وشوف
الجمعة ديسمبر 10, 2010 5:32 am من طرف البتول

» قصص مضحكه
الجمعة ديسمبر 10, 2010 5:25 am من طرف البتول

أفضل 10 أعضاء في هذا المنتدى
ثائر تيسير
 
ادهم الريماوي
 
اصعب كلمه
 
نور الشام ...
 
دموع الخيانة
 
الحب عذاب
 
ملاك الاحزان
 
عبدالله الديك(م)
 
سما الشام
 
تأبط شراً
 

شاطر | 
 

 الجزء الثالث من كلمات اغاني عمرو دياب

اذهب الى الأسفل 
كاتب الموضوعرسالة
زائر
زائر
avatar


مُساهمةموضوع: الجزء الثالث من كلمات اغاني عمرو دياب   السبت يوليو 26, 2008 5:03 pm

البوم حبيبي 1991


1- حبيبي
كلمات : مجدي النجار
الحان : عمرو دياب
توزيع : حسام حسني

حبيبي يامالك قلبي بالهوا
خدني معاك خدني خدني للهوا
انت داري بانشغالي
ولا حبك شئ خيالي

لو صدقت عيوني لو حسيت بحناني
كانوا عنيك عشقوني وماكنتش تنساني
وكنت كمان تقوللي كمان واغنيلك في كل مكان

لو حسيت بحنيني وعذابي في اشواقي
كنت اكيد حتجيني كنت كرهت فراقي
وكنت كمان تقوللي كمان واغنيلك في كل مكان
--------------------------------------

2- ورماني الشوق
كلمات : مدحت العدل
الحان : عمرو دياب
توزيع : حسام حسني

خلتني نسيت العالم وانت لوحدك حبيتك
جاين بقولوا افتكرك هو انا من امتى نسيتك
ورماني الشوق يا حبيبي وبكل هوايا ناديتك

دا انا همس شفايفك لسه في بعادك عايش فيه
وازاي القلب هينسى وانت اللي مليت لياليه

على طول ولاخر عمري انا هفضل عايش ليك
ولا نجمة تنور سهري اجمل من ضي عينيك
--------------------------------------

3- اية بس اللي رماك

كلمات : مدحت العدل
الحان : عمرو دياب
توزيع : حسام حسني

اية بس اللي رماك تعشق تاني ياقلبي
اعمل اية وياك مابتقدرش تخبي

بعد ماقلنا خلاص م الاشواق ارتحنا
جانا في وسط الناس رمش عنيها جرحنا
فجأة لقيتك عاشق طب وانا اية ذنبي؟؟

ياما ايام وسنين عدت ولا حبينا
نصبح كدة عاشقين وتسهر ليالينا
ترجع تاني اللهفة والاشواق تلعب بي
--------------------------------------

4- الا معاك
كلمات : مجدي النجار
الحان : فاروق الشرنوبي
توزيع : حسام حسني

من بعد ما حسيت بهواك
مين ده اللي هيقدر ينساك
مين بعد ما صدقت عيونك
مش ممكن اعيش الا معاك

من اول احساس يا حبيبي
حبيتك وعرفت نصيبي
وعشقت الحب اللي ناداني
وعشقت الشوق اللي ناداني

مش بحلم غير وانت معايا
يا مسافر دايما جوايا
لو هقدر ابعد يوم عنك
انا هبعد عنك
--------------------------------------

5- ناوي تعاتب
كلمات : مدحت العدل
الحان : عمرو ديــــــــــــــاب
توزيع : حسام حسني

ناوي تعاتب عاتب من غير أي خصام
واذا كان عندك كلمة لا ده انا عندي كلام

بيني وبينك ايه غير الهوى ريحني
انا سهران لياليك وانت هنا بتجرحني
حتى في عز خصامنا بهديك احلى سلام

انا بديلك عمري خدت في حبك ايه
جايز يخلص صبري ترجع تبكي عليه
من هيكون لك بعدي جوة عيوني تنام
--------------------------------------

6- اخترتك
كلمات : مجدي النجار
الحان : عمرو ديــــــــــــــاب
توزيع : حسام حسني

اخترتك من البداية وهنبتدي الحكاية
ده انا وانتي بعدنا يا ما واشتاقنا لبعض يا ما
واتغربنا كفاية ولا انتي مش معايا

قد ما احنا بعدنا ياما وانجرحنا يا ما ياما
قد ما احنا اشتاقنا ياما للبعاد والشوق نهاية

يا ليالي طمنينا واوعدينا تبعدينا عن ماضينا
هتقربي وهتبعدي وتعاندي فينا
واللي ضاع محسوب علينا يا ليالي
--------------------------------------

7- انا عاشق
كلمات : مدحت العدل
الحان : عمرو ديــــــــــــــاب
توزيع : حسام حسني

انا عاشق عينيكي السود انا عاشق ودايب دوب
عرفت كتير وعندك بس ابات مغلوب

انا عاشق عشقت الليل بغني الصبر في المواويل
بلف بلاد وراها بلاد وعندك بس ابات مغلوب

انا عاشق مليش غيرك وقلبي في الهوى طيرك
ومهما يكون بلف الكون وعندك بس ابات مغلوب

انا عاشق وبندهلك تدوئي الحب على مهلك
انا حبيت وياما هويت وعندك بس ابات مغلوب
--------------------------------------

8- مستغرب ليه
كلمات : مدحت العدل
الحان : عمرو ديــــــــــــــاب
توزيع : حسام حسني

مستغرب ليه اني هسيبك
دلوقتي عرفت اني حبيبك
ده انا ياما زمان دوقت الاحزان
وتقولي ده قدرك ونصيبك

دلوقتي عرفت ازاي تشتاق
وتقولي تعبت من الاشواق
كان فين الحب ده كله زمان
هتقول يا حب هقول يا فراق

دلوقتي خلاص قلبي اللي هواك
اتعلم مهما تقول ينساك
مش هقدر ارجع زي زمان
غلطان لو كنت فاكرني ملاك


البوم ايامنا 1992

1- الماضي
كلمات : مجدي النجار
الحان : حجاج عبد الرحمن
توزيع : حميد الشاعري

مبلاش نتكلم في الماضي
الماضي دا كان كله جراح
ومادومت في حبك انا راضي
هندور ليه على شئ راح

يا ارق ملاك انا قلبي ملك
بعيونك اه كل الاحلام

الماضي انتهى لما عرفتها
وعرفت انها حبيتني اكيد
حسيت وقتها اني بحبها
وابتدى حبها جوايا يزيد

احساسي انها عاشقة بقلبها
وانا صدقتها خلاني بقيت
انا اقرب لها من الناس كلها
وبنيت لها اجمل قصر وبيت
----------------------

2- ايامنا
كلمات : مجدي النجار
الحان : عمرو دياب
توزيع : حميد الشاعري

هتلاقي فين ايامنا هتلاقي فين احلامنا
ويرضي مين ان احنا مكنش يوم عاشقين

حبينا وعشقنا وقولنا مش غلطتنا
ان الزمان صالحنا بس المهم ان احنا
منرجعش في كلامنا

اجمل سنين عشناها من في الوجود ينساها
وفين هنلاقي روحنا لو عشنا يوم تايهين

اتقال كلام علينا واتقال الشوق نسينا
واتقال كلام جرحنا من ناس كتير تانين
----------------------

3- روحي انا
كلمات : مدحت العدل
الحان : رياض الهمشري
توزيع : حميد الشاعري

يا روحي انا ويا قلبي انا
ملناش عنك يا حياتي غنا
وفي بعدك تعب الشوق وخلاص
بيعدي عليا اليوم بسنة

النار في القلب من الاشواق
ميريحاش غير لمس ايديك
ومنين هنجيب زينا عشاق
بيشوف الدنيا في ضي عينيك
والحب دا ايه غير انت وانا

يا حبيبي واخرت بعدنا ايه
وازاي العين هتشوف احلام
دا حرام الحب تروح لياليه
وسنينا تضيع في فراق وخصام
والحب دا ايه غير انت وانا
----------------------

4- عرفتي مين حبك
كلمات : مجدي النجار
الحان : عمرو دياب
توزيع : حميد الشاعري

حبك دا شئ اتولد جوايا من صغري
هعيش معاه للابد وهضحي بيه عمري
يا اللي محدش قدر يوم يرتوي بحبك
الا اللي شاء القدر عرفتي مين حبك

حبك طريق اترسم طول عمري فيه ماشي
فوق الجراح والالم ولا قولت غير ماشي

حبك في قلبي انا يا اغلى شئ باقي
يا اغلى من عمرنا غيرك انتي مش لاقي
----------------------
5 - لما كان
كلمات : مجدي النجار
الحان : حجاج عبد الرحمن
توزيع : حميد الشاعري

فاكر لما كان وكان وكان
لينا في كل مكان مكان
فكرتني عينيك بزمان
وليالي زمان

اول لقا بينا اول ما تقابلنا
كان السلام بأيديك ولا الكلام بعينيك
يتحس بقلوبنا فاكر

كان اللقا صدفة وقلوبنا مش عارفة
ان اللقا مكتوب وان الفراق مكتوب
والوعد مكتوبنا فاكر
----------------------
6 - طبع الحياة
كلمات : مدحت العدل
الحان : حميد وعمرو
توزيع : حميد الشاعري

ايام
ايانم بنحزن وايام بنفرح
ونداوي ياما وغيرنا يجرح

يا حب خادنا سنين معاه
مهما افترقنا وقولنا اه
الشمس طالعة في كل يوم
هو كدا طبع الحياة

احنا صحيح زمان عشاق بنتحدى الزمان
لكن خلاص لكن خلاص هنقول وداع
بلاش نقول كنا وكان وكل قلب على هواه

----------------------
7 - هواك حيرني
كلمات : مدحت العدل
الحان : طارق الطنطاوي
توزيع : حميد الشاعري

يا حبيبي هواك حيرني تبعد وتقولي شاريني
ازاي في البعد فاكرني اذا كنت في بعدي ناسيني

واخداك الدنيا بعيد وابعتلك الف سؤال
لو كنت فاكرني اكيد كنا خاطرنا على البال

طب قولي ازاي وعينيا مترح ما تروح وياك
قلبك ميخفش عليا وانا عايش عمري اهواك
----------------------
8- جالك قلب
كلمات : مدحت العدل
الحان : خليل مصطفى
توزيع : حميد الشاعري

جالك قلب قلب ازاي تعشق كدا وتسبني
هو هيبقى الشوق الشوق وانت كمان تتعبني

انت يا واخد قلبي مهما تروح وياك
بنسى الناس والدنيا وانت اللي ما بنساك
قولي ازاي ازاي يا حبيبي تبعد تبعد وتغنيلي

لو يا حبيبي هعيش واقدر يوم واشتاق
تبقى عيونك انت زادي للاشواق
قولي ازاي ازاي يا حبيبي تبعد تبعد وتغنيلي
البوم ايس كريم 1993


1- ايس كريم
كلمات : مدحت العدل
الحان : عمرو ديـــــــــــاب
توزيع : حسام حسني

ايس كريم في ديسمبر
ايس كريم في جليم
الناس حاسين بالبرد
وفي قلبي ده شم نسيم

انا جوة دماغي حاجات
هتغير وجه الكون
احلام الوفات الوفات
وحاططها وفين ما تكون

لو شمس الدنيا دي غابت
انا شمسي تشق الغيم

انا مش مألوف امبارح
لكن والجاي مألوف
وفي قلبي الورد الطارح
من غير اشواك ولا خوف

وهعاند ايوة هعاند
دايما من غير تسليم
-----------------------------

2- رصيف نمرة خمسة
كلمات : مدحت العدل
الحان : عمرو ديـــــــــــــــــــــاب
توزيع : حسام حسني

رصيف نمرة خمسة والشارع زحام
وساكت كلامنا ما لاقي كلام
تسالي يا خال تدخن يا عم
تتوه المعاني في لسان اللجام

كلاكس الترلي بيسور وداني
وشحتة المزين بياكل وداني
يا نادي باريس تعالى وحاسبني
وجدول ديونه عشانه وعشاني

وعبد الله رشدي محامي قدير
بيرفع قضية في باب الوزير
على عم فكري بتاع البلبلة
عشان مرة زعق بصوته الجهير

بقالة الامانة ونصحي السروجي
عمالين لي شركة في مشروع بوتيك
ونادوا لعبدو الفرارجي يشاركهم
فرد بالاطة محبش شريك

وجت وقعة سودة في سوق الامام
عشان عم لامعي بتاع الحمام
مقدرش يوصل لاي اتفاق
مع سبع افندي في قضية سلام

واطفال عجايز في نبد الطفولة
وافلام قديمة واعلان كاكولا
تبزنس تعيش لاخر حياتك
ولو باعوا فرخة هتاخد عمولة

ترماي بسنجة في روض الفرج
واعمار تعدي لا يجي الفرج
ولا البحر باين لاخره مراسي
ولا حد راسي منين الفرج
-----------------------------

4 - هتمرد
كلمات : مدحت العدل
الحان : عمرو ديـــــــــــــــــــــاب
توزيع : حسام حسني

هتمرد على الوضع الحالي
مش هسهر في هواكي ليالي
ولا يمكن افكر ارجعلك
وفي بعدك عمري هيحلالي

كداب القلب اللي يساوي
ويغالط احساسه الواهم
دلوقتي خدعتي وبقى فاهم
ولا عنتش اصدق في خيالي

قدامي الاشواق والدنيا
ولا هقدر انساكي في ثانية
واستنى الاحلام التانية
بالفرح الموعود جايالي
-----------------------------

4- انا حر
كلمات : مدحت العدل
الحان : عمرو ديـــــــــــــــــــــاب
توزيع : حسام حسني

انا حر اني اطير وارفرف
كلي تحدي وشوق وحياة
في شاركو القاسي المتزخرف
او في شارعنا انا هصرخ لا

يا عيون غلطانة في عنواني
يا قلوب ملهاش في الاحساس
جينا عشانكوا بس لاقينا
ناس بتعيش على جرح الناس
-----------------------------

5- دانا دانا
كلمات : مدحت العدل
الحان : عمرو ديـــــــــــــــــــــاب
توزيع : حسام حسني

يا دانا دانا يا نادانا
لا لا اه لا لا اه
-----------------------------

6- واحنا معاك
كلمات : مدحت العدل
الحان : عمرو ديـــــــــــــــــــــاب
توزيع : حسام حسني

بس انت تغني واحنا معاك
انا كل ما اغني يقولوا معاي
هقول يا ليل واقول يا عين
ما تهدي حبة يالي هناك

فرقة تسعة وشارعنا تسعة
ما تقولوا حاجة ان شاء الله اهواك
اديني عقلك اغني ازاي
كل اللي عندي اهات في اهات

خدني كمان دورين وهتخلص
استر يا اما في سجن المرج
جا انا الفرج يا سلام سلمنا
ونور صاحبنا بعتلي حاجات

يا معوقين الدنيا اتحدوا
الكون مشاعر كان في البدايات
والله ما انا فاهم حاجة
نقطني يا بني شوية سكات
البوم يا عمرنا 1992

1- ضحكة عيون حبيبي
كلمات : مجدي النجار
الحان : عمرو دياب
توزيع : طارق مدكور & محمد عرام

ضحكة عيون حبيبى ضحكة ليها الليالى
سافر قلبى لحبيبى سافر بعد انشغالى
سافر عند القمر
من بعد ما خادنا الهوا وعرفنا الدنيا سوى
وعشقنا عيونك يا قمر

ضحكها سحرها مستحيل يتوصف
والكلام عنها لو هقول هاعترف
ان أنا دلوقتى بحب وأدوب أكتر بكتير من أى قلوب
من بعد ما قلبى شاف القمر

حبها عشقها فى الخلود ينكتب
واللى ضاع قبلها مستحيل يتحسب
دا العمر ابتدا من لمسة ايد من بعد ما عشنا أنا وانتى بعيد
من بعد ما قلبى شاف القمر
--------------------

2- كان عندك حق
كلمات : مدحت العدل
الحان : رياض الهمشري
توزيع : طارق مدكور & محمد عرام

كان عندك حق تدوب وترق
وترجع تانى يا قلبى تدق
ندوب فى هواه وتقول الأه

ياما قلنا هنبعد مبعدناش
وتاخدنا الدنيا مبننساش
وعيون تنادينا تحايل فينا
ونقول يا عيونه يا اما بلاش

كان عندك حق ونعمل ايه
ما خلاص سلمنا الهوا لايديه
لو مرة دارينا يبان فى عينينا
وان داب في الحب مبانش عليه
--------------------

3- كنا حبايب
كلمات : مدحت العدل
الحان : رياض الهمشري
توزيع : طارق مدكور & محمد عرام

كنا حبايب أعز حبايب راح الحب كأنه ما كان
مين كان عاشق مرة ودايب يقدر يرجع زى زمان
أدى الدنيا وادى نصيبنا
اللى نحبه فى لحظة يسيبنا
واللى نسيبه يبقى حبيبنا ونلقى معاه الدنيا أمان

أه يازمان الحق علينا
ولا فراقنا دا كان بايدينا
احنا هنبكى على الأيام ولا الدنيا حتبكى علينا

ليه الحزن القاسى يدوم
وليه الفرح فى ثانية يطير
ليه القلب يعيش محروم وهو اللى ادا حنانه كتير
--------------------

4 - ماشي
كلمات : مجدي النجار
الحان : عمرو دياب
توزيع : طارق مدكور & محمد عرام

ماشي وفي حالي أنا ماشي وفي حالي
واللي جرالي ما كان على بالي

خدني الشوق راح لبعيد خدني هناك عندها
دوبهالي في حب جديد دوبني في حبها

ده خدني وقاللي هو ده حب العمر كله
عيش معاه قلت لا.. لا.. لا..

قبل ما أشوف أجمل روح تهت كتير قبلها
عشت سنين وانا مجروح بس ده كله انتهى
--------------------

5 - خلاص سامحتك
كلمات : مدحت العدل
الحان : رياض الهمشري
توزيع : طارق مدكور & محمد عرام

بعيد قريب ماليش حبيب
وحياة عيونك بلاش تغيب
خلاص سامحتك يا عمرى وبايدى ايه
أنا قلبى حبك وحبك أنا دبت فيه
هو حب الدنيا كله جنب حبك يجى ايه

حبيبى وانت الوحيد حبيبى
انت ياروحى قدرى ونصيبى
خطفت قلبى لاعرفت أخبى ولا حد غيرك فى الكون دارى بى

تعالى ننسى اللى فات كفاية
أيامنا تحلى وانت معايا
يا حتة منى خليتنى أغنى خليتنى أرجع من البداية
--------------------

6 - بحلم
كلمات : مجدي النجار
الحان : عمرو دياب & حسين محمود
توزيع : طارق مدكور & محمد عرام

وياك باحلم أعيش أجمل ليالينا
وياك ما بينتهيش الحلم فى عينينا
باحلم بعينيك تاخدنى انت والشوق فى حضنى
بحلم وهواك يا حبيبى اخر أمل لينا

بعد اللى راح بعد الجراح بحلم معاك
مفيش لنا غيرك هنا ماانت اللى كنت انا بتمناه

كل الأمان كل الحنان عشته فى هواك
حتى أنا مابقتش أنا من بعد ما قلبى ما داب وياك

--------------------

7 - مرتحناش
كلمات : مدحت العدل
الحان : عمرو دياب
توزيع : طارق مدكور & محمد عرام

مارتحناش من يوم ما سافرت
واستنينا يجينا الرد
قلت هترجع بس نسيتنا قلى ازاى تقدر على البعد

كل يومين نبعت فى جواب كلمة محبة وكلمة عتاب
فين باحبيبى الحب اللى انت كنت بتحلف أنه ما غاب

كنا زمان فى الهوا دايبين بعد فراقك مش عايشين
خدت معاك الهنا والفرحة قوللي سايبنا يا روحى لمين

--------------------
8 - يا عمرنا
كلمات : مجدي النجار
الحان : عمرو دياب
توزيع : طارق مدكور & محمد عرام

ياعمرنا يا قلبنا أنا لية مين غيرك
تعبنا ودوبنا فى البعد من غيرك وأنا لية مين غيرك

أيام حياتى فى بعدها
كان مستحيل أحبها
أيام خادتنا وفرقتنا وتوهتنا عنها

كان حلم غالى بحبها
هعيش لوحدى بقلبها
كان حلم غالى مر بخيالى دلوقتى بحلم عندها
الرجوع الى أعلى الصفحة اذهب الى الأسفل
ادهم الريماوي
مدير الموقع
مدير الموقع
avatar

ذكر
عدد الرسائل : 1165
العمر : 33
العمل/الترفيه : عادي
المزاج : يعني مو كثير بس حلو
تاريخ التسجيل : 31/01/2008

مُساهمةموضوع: رد: الجزء الثالث من كلمات اغاني عمرو دياب   الخميس يوليو 31, 2008 5:57 pm

ضحكة عيون حبيبى ضحكة ليها الليالى
سافر قلبى لحبيبى سافر بعد انشغالى
سافر عند القمر
من بعد ما خادنا الهوا وعرفنا الدنيا سوى
وعشقنا عيونك يا قمر

ضحكها سحرها مستحيل يتوصف
والكلام عنها لو هقول هاعترف
ان أنا دلوقتى بحب وأدوب أكتر بكتير من أى قلوب
من بعد ما قلبى شاف القمر

حبها عشقها فى الخلود ينكتب
واللى ضاع قبلها مستحيل يتحسب
دا العمر ابتدا من لمسة ايد من بعد ما عشنا أنا وانتى بعيد
من بعد ما قلبى شاف القمر
يسلموووووووووووووووووووووووو هيومه

_________________


ليه يا حظي معاكي يا دنيا كده
في الأحزان تفتكريني وفي عز الفرحه بتنسيني
وارسملك ضحكه تبكيني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://alreemaadham.yoo7.com
زائر
زائر
avatar


مُساهمةموضوع: رد: الجزء الثالث من كلمات اغاني عمرو دياب   الجمعة أغسطس 01, 2008 11:32 am

ميرسي علي المرور
الرجوع الى أعلى الصفحة اذهب الى الأسفل
 
الجزء الثالث من كلمات اغاني عمرو دياب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـ'ـنـ'ـتـ'ـــ'ـــ'ـــ'ـديـ'ـآت عـ'ـهــ'ـــ'ـــ'ـد آلحـ'ـب :: القسم الموسيقي :: منتدى كلمات الأغاني-
انتقل الى: