قصيدة رائعة للشاعر حامد زيد

بسم الله الرحمن الرحيم
تحيتي للجميع في هذا المنتدى الرائع
وأبدأ معكم بقصيدة الحلم للشاعر حامد زيد......
بوقت من البطا وبليل تترقص شياطينه ..... بعد شفت الضياء ينزع من ثياب المساء ثلثين

تحايلت المنام اللي مثل بيتك تمرينه ..... وانا اللي من تفارقنا وأنا ماغمضت لي عين

غريبة!!كل حلم يمر برقادي تزورينه ..... والاغرب كيف أحلم الحلم وارجع واحلمه بعدين ؟

قبل يومين شفتك بالمنام .. وقمت من حينه ..... ونمت أمس ورجع نفس المنام اللي قبل يومين

أنا اللي قبل اسافر شلت قلبي من شرايينه ..... تركته في يدك الأمانه واحفظيها زين

ترى حفظ الأمانه دين .. مجبورة تردينه ..... أجل مافيه أحد قال لك حفظ الأمانة دين ؟!

مرد المقفي بيلفي .. ويستوفي وتوفينه ..... بعدليله ثلاثه أربعه عشره شهر شهرين

إذا انتي ما انتي بقد الكلام اللي تقولينه ..... حرام .. استامنك حاجة وإذا جيت اطلبك تنسين

تخونين وتبين أرضى .. واحد يرضى تخونينه ..... أنا لاجيت أخونك مع حبيبة ثانيه ترضين

من أول مارجعت من السفر ماشفت لك بينه ؟ ..... وأنا اللي كنت أحسبك قبل ادوس ارض المطار .. تجين

تكونين أنتي أول شخص عيني تحتضن عينه ..... وكنت أتخيلك من زود فرحة رجعتي .. تبكين

وأشوف بدمعتك حكيك .. وأعرفه قبل تحكينه ..... واجيب أحلى من اللي بتحكينه وأتركك تحكين

تقولين : الوطن نور .. وأقول : بنور مضوينه ..... تقولي لي : غديت أحلى وأقول : عيونك الحلوين

كلام نام بشفاهك .. وخفتي لاتصحينه ..... ذخرتيه لغرام للي ينام ... ويترك تصحين

تغانمتي غيابي .. لين رجحتي موازينه ..... تعلم من يدك لمس الكفوف وعلمك تجفين

وليتك لاقيه به شي ... فيني ماتلاقينه ..... مهو بغرور .. لكن خابرك مالك أمل تلقين

تغافلك بغلا .. والإ الحلا مهو بمن زينه ..... تزينه الصور .. بس الصحيح ابن الحلال زوين

وأنا ماني بنقاص عنه يوم أنك تبدينه ..... نصيبي .. هو نصيبي لو يسددها من الصوبين

قنوع بمظهري والسم مايذبح ثعابينه ..... على قول المثل ماني حلو .. لكني ماني شين

إذا أهداك الزهر مره فأنا اهديتك بساتينه ..... وإذا ألهاك بفرح ليله فانا تهت لبكاك سنين

وإذا استضعفتك أملاكه ... وشتتك ملايينه ..... أنا حتى فتات الخبزة أقسمها معك نصين

طموحي بس أجي وأظفر بشي تستحقينه ..... تدينته تسلفته سرقته مومهم منين ؟

كأني من كثر ما ارضى بكل اللي تمنينه ..... لو انك تطلبين الله .. يعنيني بقول آمين

أنا ما العب على الحبلين وقت الطيش وسنينه ..... تبين الحين يوم أني كبرت العب على الحبلين ؟!

ترى عند البدو بالذات عيب اللي تسوينه ..... حلاتك لاعشقتي .. تعشقيني ليوم الدين

غرامٍ نسكن ضلوعه ... حشيمه من مجانينه ..... جفا،يجمع معزتنا ... ولاعشق يذل أثنين

كثار اللي تحدوني وقالولي : تحبينه ..... امانه .. لاتخليني صغير بعينهم تكفين

لاني كل ماقالوا تخون .. اقول : مسكينه ..... عليك الله وأمانه .. علميهم منهو المسكين

أنا خايف لياطاح الجمل تكثر سكاكينه ..... وأنا ماعاد بضلوعي مكان لطعنة السكين

مثل ماقالوا: المكتوب واضح من عناوينه ..... لو ارحل منك للغربه .. بسافر من ظلامك وين ؟!

كفايه كل حلم يمر برقادي تزورينه ..... كفاية ... من تفارقنا .. وأنا ماغمضت لي عين

قبل يومين شفتك بالمنام وقمت من حينه ..... ونمت أمس ورجع نفس المنام اللي قبل يومين

بسم الله الرحمن الرحيم
تحية للجميع
وأرجوا أن أنال إعجابكم
صبايا وشباب

شكرا كتير حبيبي انت
بس انا اكرهت هيك شعر من كثر ما بتلقيها قدامنا انا وشباب

شكرا على مرورك معتصم
وبلا فضايح ولا تبدأ معي بحرب تنهيك لأني أنا الديك

بالقمة عندي هالشاعر هو وخالد الفيصل ....اختيار حلو كتير


يسلمو أيديك ...

شكرا الك تابط شرا على القصيده الجميله

يسلمووووووووووووووووووووووووووو تأبط شراااا
وصورتك حلوةةةةةة

تسلمولي كلكم أحبابي

قبل اسافر شلت قلبي من شرايينه ..... تركته في يدك الأمانه واحفظيها زين

ترى حفظ الأمانه دين .. مجبورة تردينه ..... أجل مافيه أحد قال لك حفظ الأمانة دين ؟!

مرد المقفي بيلفي .. ويستوفي وتوفينه ..... بعدليله ثلاثه أربعه عشره شهر شهرين

إذا انتي ما انتي بقد الكلام اللي تقولينه ..... حرام .. استامنك حاجة وإذا جيت اطلبك تنسين

بس صورتك أحلا ثائر وتسلم